Фундирање и подобрување на носивоста на подлогата

Врз база на претходни геотехнички истражувања на застапените материјали во подлогата и извршената проценка на слегањата во тие средини, неопходно е да се избере правилен тип на темелење на објектот, бидејќи темелот е дел од објектот кој врши трансфер на напрегањата и товарите врз подлогата, притоа темелењето може да биде плитко или длабоко во зависност од товарите, подлогата и намената на самиот објект. 

Во дадени ситуации поради статичкиот систем на објектот, економската исплатливост и сл. наместо промена на системот на фундирање може да се изврши и подобрување на носивоста на подлогата која може да биде механичка, хидрауличка, физичка или хемиска модификација со примена на различни методи и техники кои ќе ги задоволат проектните критериуми.

Тимот на АТА Инженеринг ќе ве насочи кон правилната одлука и оптималното решение за вашиот објект преку пресметка и проценка на слегањата на објектот, напрегањата кои би се генерирале во подлогата, типот на фундирање и подобрување. Со правилни пресметки и проценки ќе постигнете сигурност и стабилност на вашиот објект.